Tuesday , 12 December 2017

Home » Slider News » బాహుబలి ఓ దండగమారి సినిమా నట

బాహుబలి ఓ దండగమారి సినిమా నట

June 7, 2017 12:33 pm by: Category: Slider News, సినిమా Comments Off on బాహుబలి ఓ దండగమారి సినిమా నట A+ / A-

భారతీయ సినీ చరిత్రలో ‘బాహుబలి 2: ది కన్‌క్లూజన్’ ఎలాంటి రికార్డులను తిరగరాసిందో అందరికీ తెలిసిందే. ఈ సినిమా విడుదలై నెల రోజులు దాటిపోయినా ఇంకా దీని గురించి మాట్లాడుకుంటూనే ఉన్నారు. ఇప్పటికే రూ. 1500 కోట్లకు పైగా వసూలు చేసిన ఈ సినిమా బాక్సాఫీసు వద్ద పరుగు పెడుతూనే ఉంది. వాస్తవానికి ‘బాహుబలి’ పార్ట్ 1 కూడా మంచి కలెక్షన్లే రాబట్టింది. భారత సినీ పరిశ్రమ సామర్థ్యాన్ని ఖండాలు దాటించిన ‘బాహుబలి 2’ని పొగడనివారు లేరు. సినీ, రాజకీయ, వ్యాపార ప్రముఖులంతా ‘బాహుబలి’ని చూసి వహ్వా.. అన్నారు. కానీ, ఓ ప్రముఖ సీనియర్ దర్శకుడు మాత్రం ‘బాహుబలి’ని తీసిపారేశారు.

ఇటీవల కేరళలో జరిగిన ‘మనోరమ న్యూస్ కాంక్లేవ్ 2017’ కార్యక్రమంలో ప్రముఖ కథా రచయిత, సీనియర్ దర్శకుడు ఆదూర్ గోపాలకృష్ణన్ పాల్గొన్నారు. ఈ సందర్భంగా ఆయన మాట్లాడుతూ.. ‘బాహుబలి’ ప్రస్తావనను తీసుకొచ్చారు. ‘ఏముంది ఈ సినిమాలో. 1951లో వచ్చిన ‘పాతాళ భైరవి’కి కాపీ ఈ ‘బాహుబలి’. ఇలాంటి సినిమాల వల్ల సమాజంపై నెగిటివ్ ఇంపాక్ట్ పడుతుంది. అందరూ అంటున్నట్టు ‘బాహుబలి’ వల్ల భారత సినీ పరిశ్రమకు ఒరిగిందేమీలేదు. రూ. 10 కోట్లతో మనం 10 సినిమాలు నిర్మించొచ్చు. అలాంటిది కొన్ని వందల కోట్ల రూపాయలు ఖర్చుపెట్టి ఇలాంటి సినిమాలు తీసేస్తున్నారు. అసలు ఇలాంటి సినిమాలు చూడటానికి నేను రూ. 10 కూడా ఖర్చుపెట్టను’ అని పద్మ విభూషణ్ అవార్డు గ్రహీత, 75 ఏళ్ల ఆదూర్ వ్యాఖ్యానించారు.

బాహుబలి ఓ దండగమారి సినిమా నట Reviewed by on . భారతీయ సినీ చరిత్రలో ‘బాహుబలి 2: ది కన్‌క్లూజన్’ ఎలాంటి రికార్డులను తిరగరాసిందో అందరికీ తెలిసిందే. ఈ సినిమా విడుదలై నెల రోజులు దాటిపోయినా ఇంకా దీని గురించి మాట్ భారతీయ సినీ చరిత్రలో ‘బాహుబలి 2: ది కన్‌క్లూజన్’ ఎలాంటి రికార్డులను తిరగరాసిందో అందరికీ తెలిసిందే. ఈ సినిమా విడుదలై నెల రోజులు దాటిపోయినా ఇంకా దీని గురించి మాట్ Rating: 0
scroll to top