Thursday , 19 October 2017

Home » Slider News » ఓటమికి జగన్ వ్యాఖ్యలే కారణం: వైసీపీ ఎంపీ!

ఓటమికి జగన్ వ్యాఖ్యలే కారణం: వైసీపీ ఎంపీ!

September 11, 2017 7:50 pm by: Category: Slider News, ఆంధ్రప్రదేశ్ Comments Off on ఓటమికి జగన్ వ్యాఖ్యలే కారణం: వైసీపీ ఎంపీ! A+ / A-

YCP MP MEKAPATI RAMMOHAN REDDYనంద్యాల ఉప ఎన్నికలో ఓటమికి జగన్ వ్యాఖ్యలే కారణమని సాక్షాత్తు వైఎస్సార్‌సీపీ ఎంపీ పేర్కోవడం గమనార్హం. ఉపఎన్నిక‌ ప్రచారం సజావుగా సాగుతోన్నవేళ జ‌గ‌న్ వ్యాఖ్య‌లే చేటుతెచ్చాయని వైసీపీ ఎంపీ మేకపాటి రాజమోహన్ రెడ్డి తెలిపారు. ఆయన చేసిన వ్యాఖ్యలే మమ్మల్ని ఓడించాయని ఆయన అన్నారు. ఇటీవ‌ల ఓ టీవీ ఛాన‌ల్‌కి ఇచ్చిన ఇంట‌ర్వ్యూలో ఈ విష‌యాన్ని వెల్ల‌డించారు. ఉపఎన్నిక‌లో గెలుపు ఖాయ‌మ‌నుకునే సంద‌ర్భంలో చంద్ర‌బాబు గురించి జగన్ చేసిన అభ్యంతరకరమైన వ్యాఖ్య‌లు బెడిసి కొట్టాయ‌ని ఆయ‌న అభిప్రాయ‌ప‌డ్డారు. `నేను జ‌గ‌న్ ప్ర‌సంగం చూశాను. చాలా ఆక‌ట్టుకునేలా ఉంది. శిల్పా చ‌క్ర‌పాణి రెడ్డితో స‌భాముఖంగా ఎమ్మెల్సీ ప‌ద‌వికి రాజీనామా చేయించ‌డం, ఇత‌ర ప్ర‌సంగాలు ప్ర‌జ‌ల్లోకి చొచ్చుకుని పోయాయి. కానీ చివ‌ర్లో చంద్ర‌బాబుపై చేసిన వ్యాఖ్య‌లతో ఒక్క‌సారిగా క‌థ అడ్డం తిరిగింది.

చంద్ర‌బాబు విమ‌ర్శిస్తున్న‌ట్లుగా అనిపించింది అని ఆయ‌న అన్నారు. ప్ర‌చారంలో తాము ప‌డిన క‌ష్ట‌మంతా, జ‌గ‌న్ వ్యాఖ్య‌ల వ‌ల్లే వృథా అయింద‌ని మేక‌పాటితో పాటు పార్టీలో చాలా మంది సీనియ‌ర్ నేత‌లు కూడా చర్చించుకుంటున్నట్లు స‌మాచారం. అయితే ఎంపీ రాజమోహన్ రెడ్డి దీని గురించి బహిరంగంగా వ్యాఖ్యానించడంపై పలు అనుమానాలకు తావిస్తోంది. ఆయన వైసీపీని వీడి టీడీపీలో చేరతారంటూ గతంలో ప్రచారం జరిగింది. ఈ ఉద్దేశంతోనే జగన్‌పై వ్యాఖ్యలు చేశారా? అని రాజకీయ వర్గాలు చెవులు కొరుక్కుంటున్నాయి. నంద్యాల ఎమ్మెల్యే భూమా నాగిరెడ్డి హఠాన్మరణంతో ఉప ఎన్నిక అనివార్యమైంది. దీంతో టీడీపీ, వైసీపీలు ఈ స్థానం కోసం హోరాహోరీగా పోరాడాయి. ఎవరు గెలిచినా స్వల్ప ఆధిక్యమే లభిస్తుందని అంచనా వేసినా, టీడీపీ 27 వేల ఓట్ల మెజార్టీతో విజయం సాధించింది.

ఓటమికి జగన్ వ్యాఖ్యలే కారణం: వైసీపీ ఎంపీ! Reviewed by on . నంద్యాల ఉప ఎన్నికలో ఓటమికి జగన్ వ్యాఖ్యలే కారణమని సాక్షాత్తు వైఎస్సార్‌సీపీ ఎంపీ పేర్కోవడం గమనార్హం. ఉపఎన్నిక‌ ప్రచారం సజావుగా సాగుతోన్నవేళ జ‌గ‌న్ వ్యాఖ్య‌లే చే నంద్యాల ఉప ఎన్నికలో ఓటమికి జగన్ వ్యాఖ్యలే కారణమని సాక్షాత్తు వైఎస్సార్‌సీపీ ఎంపీ పేర్కోవడం గమనార్హం. ఉపఎన్నిక‌ ప్రచారం సజావుగా సాగుతోన్నవేళ జ‌గ‌న్ వ్యాఖ్య‌లే చే Rating: 0

Related Posts

scroll to top