Tuesday , 12 December 2017

Home » Slider News » ఉత్తమ్‌పై కోమటిరెడ్డి సంచలన వ్యాఖ్యలు

ఉత్తమ్‌పై కోమటిరెడ్డి సంచలన వ్యాఖ్యలు

September 11, 2017 7:42 pm by: Category: Slider News, బాత్ చీత్ Comments Off on ఉత్తమ్‌పై కోమటిరెడ్డి సంచలన వ్యాఖ్యలు A+ / A-

komati reddy brotherటీపీసీసీలో మళ్లీ లుకలుకలు బయటపడుతున్నాయి. ముఖ్యంగా నల్గొండ జిల్లాలో కాంగ్రెస్ పార్టీకి అగ్రనేతలైన తెలంగాణ పీసీసీ చీఫ్ ఉత్తమ్ కుమార్ రెడ్డికి, మాజీ మంత్రి కోమటిరెడ్డి వెంకటరెడ్డికి మధ్య వున్న విభేదాలు మరోసారి భగ్గుమన్నాయి. ఇటీవల శంషాబాద్‌లో జరిగిన కాంగ్రెస్ పార్టీ కార్యకర్తల శిక్షణ సమావేశాల్లో ఉత్తమ్ కుమార్ రెడ్డి తనని కావాలనే అవమానించారు అని ఆరోపించిన కోమటిరెడ్డి వెంకట్ రెడ్డి తాజాగా ఓ న్యూస్ ఛానెల్‌తో మాట్లాడుతూ.. ఉత్తమ్‌పై పలు సంచలన వ్యాఖ్యలు చేశారు. తెలంగాణ కోసం తాను రాజీనామా చేసి వదిలేసిన మంత్రి పదవిని తీసుకున్న ఉత్తమ్ కుమార్ రెడ్డి తెలంగాణ వ్యతిరేకి అని, ఆయన వల్లే తెలంగాణ మూడేళ్లు ఆలస్యమైందని అన్నారు. తెలంగాణ వ్యతిరేకిగా పేరున్న ఉత్తమ్ కుమార్ రెడ్డి సారథ్యంలో 2019 ఎన్నికల్లో పోటీ చేస్తే, పార్టీకి ఐదారు సీట్లు కూడా రావు అని కోమటిరెడ్డి వెంకట్ రెడ్డి అభిప్రాయపడ్డారు.

లాబీయింగ్ చేసి పీసీసీ చీఫ్ పదవి పొందిన ఉత్తమ్ కుమార్ రెడ్డి పొమ్మనకుండానే పొగ పెట్టినట్టు నన్ను పార్టీలోంచి పంపించే ఏర్పాట్లు చేస్తున్నారు. కోమటిరెడ్డి సోదరులని పార్టీలో కొనసాగనివ్వడం ఉత్తమ్ కుమార్ రెడ్డికి ఇష్టం లేదు. అందుకే పార్టీలోంచి తమని ఎలా బయటికి పంపించాలో అర్థంకాకపోవడంతో తమపై ఉత్తమ్ కుమార్ రెడ్డి సోషల్ మీడియాలో లేనిపోని దుష్ప్రచారం చేయిస్తున్నారు. కానీ కోమటిరెడ్డిని విమర్శించే స్థాయి తనకి లేదనే విషయాన్ని ఉత్తమ్ కుమార్ రెడ్డి తెలుసుకుంటే మంచిదని ఆగ్రహం వ్యక్తంచేశారు కోమటిరెడ్డి వెంకట్ రెడ్డి.

భవిష్యత్‌లో పార్టీ ప్రక్షాళన వుంటేనే తాము పార్టీలో కొనసాగుతాం. అలా కాకుండా ఉత్తమ్ కుమార్ రెడ్డి సారధ్యంలో మార్పు వుండదని కాంగ్రెస్ పార్టీ అధినాయకత్వం అధికారికంగా తేల్చిచెబితే, ఆ తర్వాత కార్యకర్తలతో చర్చించి తమ దారి ఏదో తాము చూసుకుంటాం అని కోమటిరెడ్డి వెంకట్ రెడ్డి స్పష్టంచేశారు.

ఉత్తమ్‌పై కోమటిరెడ్డి సంచలన వ్యాఖ్యలు Reviewed by on . టీపీసీసీలో మళ్లీ లుకలుకలు బయటపడుతున్నాయి. ముఖ్యంగా నల్గొండ జిల్లాలో కాంగ్రెస్ పార్టీకి అగ్రనేతలైన తెలంగాణ పీసీసీ చీఫ్ ఉత్తమ్ కుమార్ రెడ్డికి, మాజీ మంత్రి కోమటిర టీపీసీసీలో మళ్లీ లుకలుకలు బయటపడుతున్నాయి. ముఖ్యంగా నల్గొండ జిల్లాలో కాంగ్రెస్ పార్టీకి అగ్రనేతలైన తెలంగాణ పీసీసీ చీఫ్ ఉత్తమ్ కుమార్ రెడ్డికి, మాజీ మంత్రి కోమటిర Rating: 0

Related Posts

scroll to top